Laatste update 19 januari 2018                    Copyright © Jos Rook All rights reserved. Made By Serif.  Terms of use  |  Privacy policy

KarnavalsroadBroenssem

Welkom op de vernieuwde website van de Karnavalsroad Broenssem

Klik HIER voor het nieuws!

Laatste nieuws

Gastenboek Vrouwluujtreffe

Carnavalsvereniging “de Streupers” is in 1954 in café Bus oppe Egge in Broenssem opgerich. Vuur de naam “Streupers” woeërd gekoaze, omdat doeër dees club van vrunj jieëder weekend de cafés en danszale “aafgesjtreupt” woeërt, de dansorkeste en de vrouwluuj achternoa.

Aan ’t inj van de joare zestig, verhoesde de vereniging noa ´t gemeensjapshoes “Open Huis” in Broenssem-Noord. Teëge ’t inj van de joare 70 woeërd de definitieve narretempel gevonge in “D’r Brikke Oave” geleëge aan der Linjeplei in het centrum va Broenssem.

C.V. de Streupers makt deel oet van de Karnevalsroad Broenssem, deë oet veer vereniginge besjteet. Die veer vereniginge lieëvere om de buurt d’r Sjtadsprins va Broenssem. Dat betekent dat de Streupers om de veer joar d’r Sjtadsprins van Broenssem moge proclamere. En ’t toeval wilt, dat dat joar ooch nog ´n sjrikkeljoar is.

Zoeë zunt vier in 2016 weer aan de buurt om d’r Sjtadsprins va Broenssem oet te rope.

De proclamatie zal zun op vriedig 14 november 2015.

In de joare tusje twieë sjtadsprinse heët de vereniging gene prins. Toch is zie ooch in die joare actief binnen ’t vasteloavesgebuëre. Zoeë organiseert de vereniging jieëder joar ’n groeët Buutefestival, in ’t weekend vuur d’r vasteloavend, in “D’r Brikke Oave”. Dat Buutefestival wurd versjpreid uëver twieë oavende, d’r vriedig en d’r zoaterdig.

Op zoeëne oavend treë zon 5 buutereedners op, die weëre afgewisseld mit zang en dans. Dees oavende zint jieëder joar oeëtverkoch!
Doa neëve bie numt de vereniging deel aan alle plaatsjelikke vasteloavends activiteite die weëre georganiseerd doeër de Karnevalsroad Broenssem. Op oëtnuëdiging weëre diverse recepties van angere, bevrunde, vereniginge bezoch en loestert de vereniging gala oavende in de ganze regio op mit dans en meziek.

Ooch is de vereniging lid van de Federatie Euregionale Gardes (FEG). Zie bezeukt dan ooch jieëder joar ’t gardetreffe, Woe zie zich names ozze parelsjtad Broenssem van de biste kantj lieët zieë. De vereniging is, in de persoon van Rob Bindels, de groeëte initiator achter dees gardetreffes!

Die gardetreffes vinge jieëder joar urges angesj plaatsj. Zoeë is de vereniging al in Mestreech, Eupen op ’t Bels. Gelean, Remunj en Voals geweë. De komende joare sjtond Düren en Mönchegladbach op ’t Duutsj op der agenda. In 2010 kumpt ´t gardetreffe vuur de driede kieër noa Broenssem!

Kortom, ´n vereniging vuur jonk en oud, mansluuj en vrouwluuj: Vasteloavend, vuur jieëderee get!